23rd December 2025  /  EAGLE FM

Oikando ihapu ohatu kala apa hatupopi nghene shafimana okukala tuna oyuuyemo, ndele eshi ovanhu havadimwa osheshi kutyaa, nonande shafimana okukala una oimaliwa, osha fimana yoo unene, okukala una oundjolowele: eshi otashiti nee, una oukolele. Waninga eenghendabala doku kalekapo oukolele woye, honingi omadeo, holi oikulya oyo naana tayi kweetele oukolele, Una omadilaadilo eli ponhele.

Omolwashike Shafimana Tukaleni Tuli Moundjolowele?

Omolwaashi kutyaa, oto dulu okumona oimaliwa ihapu, ashike ngeenge iho kufa efimbo ukwatelepo oundjolowele woye, oimaliwa oyo una otokeilongifapo tokongo oundjolowele oo uhena. Hano oshinasha nee noikulya ei hatuli. Ngeenge iholi oikulya oyo ina eevitamine, olutu loye kalina apa talikahanga ovakwaita volutu. Eshi nee tashi kaeta onghalo ei yokukakala pehena eshi tashi kondjifa omikifi molutu.

Hano onghalo otai shingile ovanhu vahapu yokukala vakakonge ouhaku tava longifapo oimaliwa oyo kwali vapungula opo vadule okwiilongifa ngeenge vakulupa. Iva yakule.

Hano nee, otashi kala shafimana opo fyee tweende hatu tondoka neemhadi mbali. Shahala kutyaa, eshi tuu tokongo oimaliwa kombinga imwe, ove kombinga ikwao otokongo oundjolowele woye. Owa mona tuu nghene shidjuu hashikala ngeenge omunhu tatondoka nokuulu kumwe? Hano osho nee hashi kala osho ngeenge omunhu takondjifa ashike ombinga imwe.