8th December 2025  /  EAGLE FM

Nena ohatu kapopya kombinga yovanhu veli pamaludi avali. Sho osho hashi eta ovanhu vaahaye komesho.
Opena ovanhu vapapata. Eshi handi popi naave ngaha, kala nee una efano momadilaadilo oye, omhu apapata eendjato onduba. Keshe mondjato omuna oinima yashangwa, yonale nale. Omauyelele akulupa, ndele kaena eshi taa kwafele omunhu.

Paife nee, omunhu ou okwa hanga onhele imwe ena okupitapo, ndele opena okamuvelo kashona, ashike ita dulu nee okupitapo. Omukalo ena oku pitapo, ongeenge ta kufako eendjato odo ndele tedi kupulashi. Ngeenge itedi kupulashi ita dulu oku pitapo. Eshi osha hala kutya ngahelipi, osha hala kutyaa, opo tuye komesho monghalamwenyoo, otwa pumbwa oku kupulashi oinima oyo ihena oshilonga kushe. Ngeenge otwa hala okutunga, okulitungapo, okuya komesho, okuya pombada, oku kula, kutya nee opaendunge, kutya nee opangeshefa, kutya nee omonghalamwenyo aishe, otwa pumbwa oku ekelelashi oinima ili mushe oyo yonale-nale. Oinima ei ita yitutungu. Fimbo limwe, eenghone. Tashidulika una ovanhu wapopya kutya ito popi navo fiyo okefyo. Oiunima yonale oyo. Efa. Efa Aishe Tutungeni. Ita tu dulu tutunge ili ngaho. Ohatu kala tuku fiye konima.
Shikwao osheshi kutya, ouli hole. Owa hala ashike oku kala oove una oinima aishe. Ngeno oshiholelwa. Oove councilor, oove govornor, oove minister, oove mwene womukunda, oove kapatashu, oove omufita-ongalo, oove elenga, oove ohamba, oove omunangeshefa. Oshike wapapata ngaho? Ouna efupa. Peife vakweni otaa kalonga shike. Paife oto wata eendjabi adishe odo.

Nandikupe oshiholelwa shange mwene. Ame ondati otashi kala shiwa ngeenge hatwiipopi she vene. Onda kala handi ka teka oinima kofitola yonhumba yokulandifa, fiku limwe, eshi ndayamofitola, onda hanga oinima ili kofandifa. Fiku olo okwali nda holekapo oinima imwe mofitola shaashi nda hala ndiye kombaanga ndikananeko oimaliwa aishe ndinako opo nduuye ndikalandemo oinima aishe oyo. Eshi nda mana oku holeka ngaho, onda uda shike ewi taliti. Eshi to holeke oinima, vakweni ava tavadiko konima otava lande shike? Okudja opo onda shunapo penya ndaholeka oinima ndele handi itula koluhaela.
Hano ove paiife eshi to pwilikinenge owa papata shike. Pamwe osho tashi kushuna monima, shaashi ou lihole mwene. Iho dilaadila vakweni. Ile ouna ashike naava vambuleni, ile vomunghoko weni, ile vokokomukunda weni, ile voshipa ngashoye.

Efa aishe tutungeni. Ita tu dulu okutunga wapata ngaho. Fimbo limwe poshilongo sheni, pomukunda weni, modoolopa yeni, moshitukulwa sheni omuna omunhu tahepa ushishi nawa, ndele ohopitipo ashike nehauto loye lina omakende alaula. Memkwetu owa papat. Ame itanditi nee uka yandje omakutu omaufila ove totuufana tukafaneke. Aaye, oto dulu oku tumako omunhu oko, oye atwaleko eshi wa hala okuyandja ngeenge ouna eshi wa hala okuyandja. Nda hala kutya, ushininge meholeko. Oto dulu oku shininga oufiku.