Ngoka ali nale amushanga gwongundu yo Swapo kiipambele yiilonga nokuli gumwe go maNamibia mboka yatseyika nawa omunapolitika yatulwa moondholongo pomivo dho 1980, Jason Angula, okwa hulitha omaandaha goshiwike shika moshipangelo sha Lady Pohamba moshilando pangelo.
Osheetithi sheso lye inashi tseyika.
Ambassador Martin Kapewasha okwa popi no Eagle FM kondjokonona ya Jason Angula ngoka temu hokolola nawa kutya okwali omukondjeli manguluko gwa shili.
Kapewasha okwati oya mona pamwe iihuna nomusamane Angula pethimbo lye kondjelo manguluko lyoshilongo, oya kala taa mono iihuna okuza koma hepeko goombulu unene ngele opwa holoka uuyelele wunasha niikulo.
“Otwali hatu falwa koondholongo ngaashi kOsire nenge koGbabis no moWindhoek, hoka twa kala tatu fikwa no malusheno, oku dhengwa, okutilwa omeya no kuulwa omalaka taga shundula uuntu wo muntu, mwa kwatelwa omatilitho go madhipago okuza kepangelo lyoka tongo tongo pethimbo ndiyaka,” Omusamane Kapewasha tati.
Okwa gwedhapo kutya ngele ya ethiwa ohaa tsikile natango niilonga yawo mo maholamo oku gandja omauyelele ko mbinga yongudu yo Swapo noku yelitha omalalakano gongundu oku mangulula oshilongo, oyali pamwe namba taalandula: Charles Tjijenda, Jerry Ekandjo, Tjongarero nooyakwawo oyendji.
Ambassador okwa hokolola wo nkene pomivo dho 1983 lwaampoka, ya kala taya pewa onyati ku Nathanael Maxwilili, kutya omanga Maxwilili eli momweyo, mOmbaye kamuna esiku mukakale oombashu Osho shakala shili sigo konima yeso lya Maxwilili, opo pwakaza oombashu dhi tungwe mOmbaye noya kala unganeke iigongi meholamo omolwa omutondi, etanga lya South Africa pethimbo ndiyaka.
Mo Swakopmund Jason Angula oye gumwe gwaambo ya kala taya gandja omauyelele ko mbinga nkene ongundu yo Swapo ya kala tayi gandja omauyelele.
Omusamane Angula okwa mangululwa okuza mondholongo shalandula kiikonga yo pashigwana takupulwa amangululwe. Okwa tulwa mondjedhililo ko South Africa akuthwa kOkosire endiki lyakala tali longithwa oku kaleka oonkwatwa, nolwanima olya ningwa okamba yoontawuki, tayaadhika moshitopolwa sha Otjizondjupa.
Omupelesitende goshilongo Hage Geingob okwa gandja omahekeleko kaakanezimo yomusamane Angula.
Omutse goshilongo okwati, Jason Angula, omukondjeli manguluko gwashili, okwa hulitha. Okwali gumwe gomwaamboka ya kala yaahena uumbanda oku kondjitha omutondi mekondjelo manguluko lyoshilongo Namibia.